寄望天來疼
《寄望天來疼》Kià-bāng Thinn Lâi Thiànn
白雲Pe̍h-hûn
——————————————
天地有偌闊
thinn-tē ū guā khuah
無論風雲起變化
bô-lūn hong-hûn khí piàn-huà
今生來世
kim-sing lâi-sè
我心內刻你的名
guá sim-lāi khik lí ê miâ
有你的陪伴
ū lí ê puê-phuānn
心內裝滿是感謝
sim-lāi tsng buán sī kám-siā
女人的心情
lú-jîn ê sim-tsiânn
寄望天來疼
kià-bāng thinn lâi thiànn
人生的媠䆀在人搬
jîn-sing ê suí-bái tsāi-lâng puann
有一款思念叫牽掛
ū tsi̍t-khuán su-liām kiò khian-kuà
陣陣的風雨聲
tsūn-tsūn ê hong-hōo siann
毋願看破繼續行
m̄-guān khuànn-phuà kè-sio̍k kiânn
過去的記智隨風散
kuè-khì ê kì-tì suî hong suànn
好額抑散食
hó-gia̍h ia̍h sàn-tsia̍h
是悲是喜
sī pi sī hí
由天晟
iû thinn tshiânn
人生的運命
jîn-sing ê ūn-miā
路是一段段
lōo sī tsi̍t-tuānn-tuānn
