半醒也半夢
《半醒也半夢》Puànn-tshínn Iā Puànn-bāng
方千玉Png Tshian-gio̍k
——————————————
逃袂過這場夢
tô buē-kuè tsit tiûnn bāng
你親像我的思念
lí tshin-tshiūnn guá ê su-liām
望你會當閣予我希望
bāng lí ē-tàng koh hōo guá hi-bāng
這段愛情故事
tsit tuānn ài-tsîng kòo-sū
只賰我一人
tsí tshun guá tsi̍t-lâng
愛傷阮遮爾重
ài siong gún tsiah-nī tāng
最後的結果是空
tsuè-āu ê kiat-kó sī khang
阮用一生
gún iōng it-sing
袂記你的人
bē-kì lí ê lâng
甜蜜往事
tinn-bi̍t óng-sū
像秋風吹送
tshiūnn tshiu-hong tshue-sàng
毋願夜夜夢見你的人
m̄-guān iā-iā bāng-kìnn lí ê lâng
袂當袂記阮所愛的人
buē-tàng buē-kì gún sóo ài ê lâng
你的心
lí ê sim
為何夜夜侵佔阮的夢
uī-hô iā-iā tshim-tsiàm gún ê bāng
敢講這場情海的波動
kám-kóng tsit tiûnn tsîng-hái ê pho-tāng
是阮愛你全毋知輕重
sī gún ài lí tsuân m̄-tsai khin-tāng
阮的心
gún ê sim
予你來束縛
hōo lí lâi sok-pa̍k
半醒也半夢
puànn-tshínn iā puànn-bāng
