剪情絲
《剪情絲》Tsián Tsîng-si
于林真Î Lîm-tsin
——————————————
往事親像雲煙
óng-sū tshin-tshiūnn hûn-ian
咱也已經無緣
lán iā í-king bô-iân
忍著痛苦
jím tio̍h thòng-khóo
佮你講再見
kah lí kóng tsài-kiàn
表面激予自然
piáu-bīn kik hōo tsū-jiân
虛偽的戲莫演
hi-guī ê hì mài ián
纏綿情絲
tînn-mî tsîng-si
看破著愛剪
khuànn-phuà tio̍h-ài tsián
過去咱真恩愛
kuè-khì lán tsin un-ài
如今咱合袂來
jû-kim lán ha̍h buē-lâi
付出心血
hù-tshut sim-hiat
感覺真無彩
kám-kak tsin bô-tshái
你委屈在心內
lí uí-khut tsāi sim-lāi
我也真正無奈
guá iā tsin-tsiànn bô-nāi
這是一个多變的世界
tse sī tsi̍t-ê to-piàn ê sè-kài
花言巧語莫閣講起
hua-giân khá-gí mài koh kóng-khí
糖甘蜜甜已經無味
thn̂g-kam bi̍t-tinn í-king bô-bī
山崩地裂伊的代誌
suann pang tē li̍h i ê tāi-tsì
我愛活落去
guá ài ua̍h–lo̍h-khì
我毋願閣再
guá m̄-guān koh-tsài
沉迷愛情造成傷害
tîm-bê ài-tsîng tsō-sîng siong-hāi
袂閣流落半滴目屎
buē koh lâu-lo̍h puànn-tih ba̍k-sái
應該知影咱的青春
ing-kai tsai-iánn lán ê tshing-tshun
一去不再來
it-khì put-tsài lâi
袂當為你浸踮苦海
buē-tàng uī lí tsìm tiàm khóo-hái
