自古多情空等待
《自古多情空等待》Tsū-kóo To-tsîng Khang Tán-thāi
邱芸子Khu Ûn-tsú
——————————————
你若是想欲輕鬆
lí nā-sī siūnn-beh khin-sang
就綴我來
tiō tuè guá lâi
做陣來欣賞
tsuè-tīn lâi him-sióng
世界的精彩
sè-kài ê tsing-tshái
有人煩惱排規排
ū-lâng huân-ló pâi kui-pâi
有人好額驚人知
ū-lâng hó-gia̍h kiann lâng tsai
人咧江湖行踏
lâng teh kang-ôo kiânn-ta̍h
啊難免會失敗
ah lân-bián ē sit-pāi
啊自古多情空等待
ah tsū-kóo to-tsîng khang tán-thāi
何苦鬱卒囥心內
hô-khóo ut-tsut khǹg sim-lāi
千憂萬愁擲落海
tshian-iu bān-tshiû tàn lo̍h-hái
啊幸福連鞭就來
ah hīng-hok liâm-mi tiō lâi
自古多情空等待
tsū-kóo to-tsîng khang tán-thāi
何苦厭氣報人知
hô-khóo iàn-khì pò lâng tsai
花若盛開蝴蝶來
hue nā sīng-khui ôo-tia̍p lâi
煩惱共Say Bye-bye
huân-ló kā Say Bye-bye
