破碎的夢
《破碎的夢》Phò-tshuì ê Bāng
吳青陽Ngôo Tshing-iông
——————————————
深夜的暗淡路燈
tshim-iā ê àm-tām lōo-ting
怎樣失光明
tsuánn-iūnn sit kong-bîng
枉費我對伊的真情
óng-huì guá tuì i ê tsin-tsîng
無疑變了心
bô-gî piàn liáu sim
愛情路環境所致
ài-tsîng lōo khuân-kíng sóo-tì
才著離開伊
tsiah tio̍h lī-khui i
思念伊走遍天涯
su-liām i tsáu-phiàn thian-gâi
總是為著愛
tsóng–sī uī tio̍h-ài
痛苦的心
thòng-khóo ê sim
啥人了解
siánn-lâng liáu-kái
嘆聲也悲哀
thàn-siann iā pi-ai
烏暗路沉重的跤步
oo-àm-lōo tîm-tāng ê kha-pōo
怎樣情份薄
tsuánn-iūnn tsîng-hūn po̍h
為啥物淪落江湖
uī-siánn-mih lûn-lo̍h kang-ôo
愈想愈糊塗
jú siūnn jú hôo-tôo
愛情路前途茫茫
ài-tsîng lōo tsiân-tôo bông-bông
每日頭楞楞
muí ji̍t-thâu gông-gông
為著伊走遍天涯
uī-tio̍h i tsáu-phiàn thian-gâi
總是為著愛
tsóng–sī uī tio̍h-ài
痛苦的心
thòng-khóo ê sim
啥人了解
siánn-lâng liáu-kái
嘆聲也悲哀
thàn-siann iā pi-ai
忍耐著心內的鬱卒
jím-nāi tio̍h sim-lāi ê ut-tsut
怎樣命如此
tsuánn-iūnn miā jû-tshú
想過去悲傷往事
siūnn kuè-khì pi-siong óng-sū
何必來怨恨
hô-pit lâi uàn-hūn
愛情路裝著笑容
ài-tsîng lōo tsng tio̍h tshiò-iông
期待再相逢
kî-thāi tsài siong-hông
思念伊走遍天涯
su-liām i tsáu-phiàn thian-gâi
總是為著愛
tsóng–sī uī tio̍h-ài
痛苦的心
thòng-khóo ê sim
啥人了解
siánn-lâng liáu-kái
嘆聲也悲哀
thàn-siann iā pi-ai
