看破轉來去
《看破轉來去》Khuànn-phuà Tńg–lâi-khì
吳青陽Ngôo Tshing-iông
——————————————
自細漢阮就是
tsū suè-hàn gún tsiū-sī
蹛在農村過日子
tuà tsāi lông-tshuan kuè ji̍t-tsí
為前途離開著
uī tsiân-tôo lī-khui tio̍h
偏僻的鄉里
phian-phiah ê hiunn-lí
來到繁華的都市
lâi kàu huân-huâ ê too-tshī
認真拍拚做生理
jīn-tsin phah-piànn tsò-sing-lí
啥人知事事袂當
siánn-lâng tsai sū-sū buē-tàng
啥人知事事袂得
siánn-lâng tsai sū-sū buē-tit
啊~袂得照心意
ah~ buē-tit tsiàu sim-ì
雖然是來都市
sui-jiân sī lâi too-tshī
已經過了幾若年
í-king kuè-liáu kuí-lō nî
到如今猶原是
kàu jû-kim iu-guân sī
事事袂順序
sū-sū buē sūn-sī
生活也不如意
sing-ua̍h iā put-jû-ì
予阮感覺真失志
hōo gún kám-kak tsin sit-tsì
只好是閣轉來去
tsí-hó sī koh tńg–lâi-khì
只好是閣轉來去
tsí-hó sī koh tńg–lâi-khì
啊~看破轉來去
ah~ khuànn-phuà tńg–lâi-khì
