時來運轉
《時來運轉》Sî Lâi Ūn Tsuán
柯俊傑Kua Tsùn-kia̍t
——————————————
美夢成真
bí-bāng sîng tsin
我面對坎坷的景緻
guá bīn-tuì khám-khia̍t ê kíng-tì
堅持的心最可貴
kian-tshî ê sim tsuè khó-kuì
時來運轉
sî lâi ūn tsuán
我洗盡了滄桑味
guá sé-tsīn liáu tshong-song bī
倔強的心最安慰
ku̍t-kiông ê sim tsuè an-uì
人講大隻雞慢啼
lâng kóng tuā-tsiah ke bān thî
若啼就展志氣
nā thî tiō tián tsì-khì
戲棚跤徛久才有位
hì-pênn-kha khiā kú tsiah ū uī
有夢的人上蓋媠
ū bāng ê lâng siōng-kài suí
天公伯仔予人時機
thinn-kong-peh–á hōo-lâng sî-ki
苦澀淚千斤萬斤
khóo-siap luī tshian-kin bān-kin
我有堅心
guá ū kian-sim
我擔會起
guá tann ē-khí
抱著理想
phō tio̍h lí-sióng
向前行出去
hiòng-tsiân kiânn–tshut-khì
