情靠站
《情靠站》Tsîng Khò-tsām
林良歡Lîm Liông-huan
——————————————
感情路孤單影
kám-tsîng lōo koo-tuann iánn
等待緣份來做伴
tán-thāi iân-hūn lâi tsuè-phuānn
明明近在眼前
bîng-bîng kīn tsāi gán-tsîng
哪會毋捌我
ná ē m̄-bat guá
咱若前世有註定
lán nā tsîng-sè ū tsù-tiānn
今生做你的娘囝
kim-sing tsuè lí ê niû-kiánn
望啊望你好好疼惜我
bāng–ah bāng lí hó-hó thiànn-sioh guá
有緣人牽手行
ū-iân-lâng khan-tshiú kiânn
無緣的人金金看
bô-iân ê lâng kim-kim khuànn
看人幸福
khuànn lâng hīng-hok
快樂囥佇塗跤踏
khuài-lo̍k khǹg tī thôo-kha ta̍h
想欲喝嘛喝無聲
siūnn-beh huah mā huah bô-siann
怨嘆月老無牽線
uàn-thàn gua̍t-nóo bô khan-suànn
洞房花燭夜
tōng-pâng hua-tsiok iā
空照鏡
khang tsiò-kiànn
痴情人痴情夢
tshi-tsîng-lâng tshi-tsîng bāng
月娘替阮咧哀怨
gue̍h-niû thè gún teh ai-uàn
無奈感情的車班
bô-nāi kám-tsîng ê tshia-pan
猶未靠站
iáu-buē khò-tsām
雖然天不從人願
sui-jiân thinn put-tsiông jîn guān
猶原求天來成全
iu-guân kiû thinn lâi sîng-tsuân
成全天下所有
sîng-tsuân thian-hā sóo-ū
痴心的苦情人
tshi-sim ê khóo-tsîng-lâng
