悲傷的月臺
《悲傷的月臺》Pi-siong ê Gua̍t-tâi
吳青陽Ngôo Tshing-iông
——————————————
為欲來佮你相見
uī-beh lâi kah lí sann-kìnn
走甲大氣喘袂離
tsáu kah tuā-khuì tshuán buē-lī
匆匆趕到月臺邊
tshong-tshong kuánn kàu gua̍t-tâi pinn
火車已經開出去
hué-tshia í-king khui–tshut-khì
一時來看無你
tsi̍t-sî lâi khuànn-bô lí
引阮心酸悲
ín gún sim sng-pi
踮在月臺無了時
tiàm-tsāi gua̍t-tâi bô-liáu-sî
只好轉來去
tsí-hó tńg–lâi-khì
沉重跤步無元氣
tîm-tāng kha-pōo bô guân-khì
依依離開月臺邊
i-i lī-khui gua̍t-tâi pinn
(離開月臺邊)
(lī-khui gua̍t-tâi pinn)
(離開月臺邊)
(lī-khui gua̍t-tâi pinn)
(離開月臺邊)
(lī-khui gua̍t-tâi pinn)
—
離別後你來批表示
lî-pia̍t āu lí lâi-phue piáu-sī
充滿無奈佮傷悲
tshiong-muá bô-nāi kah siong-pi
因為爸母來反對
in-uī pē-bú lâi huán-tuì
毋肯你咱來做堆
m̄-khíng lí lán lâi tsuè-tui
阮也是真愛你
gún iā-sī tsin ài lí
請你免失志
tshiánn lí bián sit-tsì
每日猶原思念你
muí-ji̍t iu-guân su-liām lí
期待再相見
kî-thāi tsài sann-kìnn
無論三冬抑五年
bô-lūn sann-tang ia̍h gōo-nî
阮會耐心等待你
gún ē nāi-sim tán-thāi lí
