命運來創治
《命運來創治》Miā-ūn Lâi Tshòng-tī
李天良Lí Thian-liông
——————————————
滿天無雲
muá-thinn bô hûn
天清清
thinn tshing-tshing
忽然間
hut-jiân-kan
烏天暗地落大雨
oo-thinn àm-tē lo̍h tuā-hōo
心所掛念愛的你
sim sóo khuà-liām ài ê lí
命運迫你恬恬來離開
miā-ūn pik lí tiām-tiām lâi lī-khui
親情像海遐爾深
tshin-tsîng tshiūnn hái hiah-nī tshim
雨水落佇耳空邊
hōo-tsuí lo̍h tī hīnn-khang-pinn
親像你溫柔的聲音
tshin-tshiūnn lí un-jiû ê siann-im
講你毋甘離開我
kóng lí m̄-kam lī-khui guá
啊~無情命運來創治
ah~ bô-tsîng miā-ūn lâi tshòng-tī
予咱從此拆分開
hōo lán tsiông-tshú thiah hun-khui
若到寂寞的暗暝
nā kàu tsi̍k-bo̍k ê àm-mî
較想較夢
khah siūnn khah bāng
猶原也是你
iu-guân iā-sī lí
