拚出好名聲
《拚出好名聲》Piànn Tshut Hó Miâ-siann
小黑(Raju Kumara,馬來西亞)
——————————————
自少年來離開故鄉
tsū siàu-liân lâi lī-khui kòo-hiong
離開故鄉遐濟年
lī-khui kòo-hiong hiah tsuē nî
爸母勸阮一句話
pē-bú khǹg gún tsi̍t-kù uē
拄著困難嘛愛堅持
tú-tio̍h khùn-lân mā ài kian-tshî
踏入社會
ta̍p-ji̍p siā-huē
來拍拚遐濟年
lâi phah-piànn hiah tsuē nî
毋管頭前路偌歹行
m̄-kuán thâu-tsîng lōo guā pháinn-kiânn
只要用心做人
tsí-iàu iōng-sim tsuè-lâng
認真拍拚
jīn-tsin phah-piànn
為著將來好名聲
uī-tio̍h tsiong-lâi hó miâ-siann
我向前衝
guá hiòng-tsiân tshiong
來拍拚
lâi phah-piànn
提出查埔人的勇氣
the̍h tshut tsa-poo-lâng ê ióng-khì
拄著不如意
tú-tio̍h put-jû-ì
莫失志
mài sit-tsì
我向前衝
guá hiòng-tsiân tshiong
毋免驚
m̄-bián kiann
向前衝
hiòng-tsiân tshiong
成功轉去我的故鄉
sîng-kong tńg-khì guá ê kòo-hiong
親愛的爸母
tshin-ài ê pē-bú
我成功轉來
guá sîng-kong tńg–lâi
咱過好日子
lán kuè hó ji̍t-tsí
我欲為你創造
guá beh uī lí tshòng-tsō
好名聲
hó miâ-siann
