天公囝
《天公囝》Thinn-kong-kiánn
小黑(Raju Kumara，馬來西亞)
——————————————
人講你是天公囝
lâng kóng lí sī thinn-kong-kiánn
啥物攏嘛毋免驚啦
siánn-mih lóng-mā m̄-bián kiann–lah
無憂無愁免去拍拚
bô-iu- bô-tshiû bián khì phah-piànn
做事嘛攏會贏
tsuè-sū mā lóng ē iânn
啊~人講你是天公囝
ah~ lâng kóng lí sī thinn-kong-kiánn
好歹你嘛毋免驚啦
hó-pháinn lí mā m̄-bián kiann–lah
免煩免惱時到時當
bián-huân-bián-lóo sî kàu sî tng
世間你是上好命
sè-kan lí sī siōng-hó miā
食飽你嘛免做工
tsia̍h-pá lí mā bián tsuè-kang
天公攏會疼惜人
thinn-kong lóng ē thiànn-sioh lâng
有車佮有厝
ū tshia kah ū tshù
有食佮有穿
ū tsia̍h kah ū tshēng
一工到暗探世間
tsi̍t-kang-kah-àm thàm sè-kan
啊~實在你是天公囝
ah~ si̍t-tsāi lí sī thinn-kong-kiánn
八字生甲遮爾正啦
pueh-jī sinn kah tsiah-nī tsiànn–lah
拄著困難攏會過關
tú-tio̍h khùn-lân lóng ē kè-kuan
天公囝是你的名
thinn-kong-kiánn sī lí ê miâ
