啥人來相陪
《啥人來相陪》Siánn-lâng lâi Siong-puê
小黑(Raju Kumara，馬來西亞)
——————————————
燒酒一杯啉落腹底
sio-tsiú tsi̍t-pue lim lo̍h pak-té
目屎滴落地
ba̍k-sái tih lo̍h-tē
孤單一个啉甲茫茫
koo-tuann tsi̍t-ê lim kah bâng-bâng
啥人來相陪
siánn-lâng lâi siong-puê
聽人講
thiann lâng kóng
燒酒一杯落喉
sio-tsiú tsi̍t-pue lo̍h-âu
會當解憂愁
ē-tàng kái iu-tshiû
誰知影彼句話
siáng tsai-iánn hit kù uē
偏偏攏是假
phian-phian lóng-sī ké
我看伊佮別人
guá khuànn i kah pa̍t-lâng
雙雙又對對
siang-siang iū tuì-tuì
相依閣相倚
sio-i koh sio-uá
一杯閣一杯
tsi̍t-pue koh tsi̍t-pue
盡量來予伊馬西馬西
tsīn-liōng lâi hōo i má-se-má-se
啥人來體諒阮
siánn-lâng lâi thé-liōng gún
一片真心對待你
it-phiàn tsin-sim tuì-thāi lí
以為是
í-uî sī
你會佮阮來相陪
lí ē kah gún lâi siong-puê
酒醉了後
tsiú-tsuì liáu-āu
猶原猶原是阮一个
iu-guân iu-guân sī gún tsi̍t-ê
