咱是好兄弟
《咱是好兄弟》Lán Sī Hó hiann-tī
小黑(Raju Kumara，馬來西亞)
——————————————
人生中的路
jîn-sing-tiong ê lōo
短短有幾年
té-té ū kuí-nî
為情為愛算啥物
uī tsîng uī ài sǹg siánn-mih
為生為死為啥物
uī sinn uī sí uī-siánn-mih
敢講這攏是命理
kám-kóng tse lóng-sī miā-lí
江湖這條路
kang-ôo tsit tiâu lōo
有苦也有甜
ū khóo iā ū tinn
交插朋友欲細膩
kau-tshah pîng-iú beh suè-jī
為生為死為啥物
uī sinn uī sí uī-siánn-mih
為著一句講義氣
uī-tio̍h tsi̍t-kù kóng gī-khì
啊~出外靠朋友
ah~ tshut-guā khò pêng-iú
踮厝靠爸母
tiàm tshù khò pē-bú
你來照顧我
lí lâi tsiàu-kòo guá
我來照顧你
guá lâi tsiàu-kòo lí
四海之內皆兄弟
sù-hái tsi lāi kai hiann-tī
咱是好兄弟
lán sī hó hiann-tī
計較遐濟算啥物
kè-kàu hah tsuē sǹg siánn-mih
毋通為愛來相爭
m̄-thang uī ài lâi sio-tsinn
請你感情毋通放一邊
tshiánn lí kám-tsîng m̄-thang pàng tsi̍t-pinn
啊~咱人攏是好兄弟
ah~ lán-lâng lóng-sī hó hiann-tī
