三角問題
《三角問題》Sann-kak būn-tê
小黑(Raju Kumara，馬來西亞)
——————————————
兩个人的生活
nn̄g-ê lâng ê sing-ua̍h
已經困難
í-king khùn-lân
加一个人怎樣好
ke tsi̍t-ê lâng tsuánn-iūnn hó
原來你的男朋友
guân-lâi lí ê lâm-pîng-iú
是我的愛人仔
sī guá ê ài-jîn-á
毋免閣講
m̄-bián koh kóng
錯你一人
tshò lí tsi̍t-lâng
三个人的疼
sann-ê lâng ê thiànn
不如一个人的疼
put-jû tsi̍t-ê lâng ê thiànn
長疼不如短疼
tn̂g thiànn put jû té thiànn
所以我祝福你佮伊
sóo-í guá tsiok-hok lí kah i
如今怎樣才來發覺
jû-kim tsuánn-iūnn tsiah lâi huat-kak
這款三角的問題
tsit khuán sann-kak ê būn-tê
叫我怎樣怎樣
kiò guá tsuánn-iūnn tsuánn-iūnn
怎樣對你放落手
tsuánn-iūnn tuì lí pàng lo̍h tshiú
偏偏花開無對時
phian-phian hue khui bô tuì-sî
鴛鴦無緣做一對
uan-iunn bô-iân tsuè tsi̍t-tuì
從今以後
tsiông-kim í-āu
無拖無欠
bô-thua bô-khiàm
各行各人的路
kah kiânn kah lâng ê lōo
