魟
《魟》Kong
林昱君Lîm Io̍k-kun
看日早暗Khuànn-ji̍t-tsá-àm
——————————————
像溫室無熱冷
tshiūnn un-sik bô jua̍h-líng
像魚櫥仔無時季
tshiūnn hî-tû-á bô sî-kuì
像海底的風景
tshiūnn hái-té ê hong-kíng
盍無徛窗外的你
khah bô khiā thang-guā ê lí
我無愛你的芳水味
guá bô-ài lí ê phang-tsuí-bī
嘛討厭你的新舊衣
mā thó-ià lí ê sin-kū i
像人質安搭綁匪的失迷
tshiūnn jîn-tsit an-tah páng-huí ê sit-bê
一日一日
tsi̍t-ji̍t-tsi̍t-ji̍t
燈火像空喙
ting-hué tshiūnn khang-tshuì
像你講的天頂
tshiūnn lí kóng ê thinn-tíng
若你愛
nā lí ài
咱就無暗暝
lán tiō bô àm-mî
向望膨皮的男兒
ǹg-bāng phòng-phuê ê lâm-jî
看著我
khuànn-tio̍h guá
像我看著你
tshiūnn guá khuànn-tio̍h lí
我無愛你的芳水味
guá bô-ài lí ê phang-tsuí-bī
嘛討厭你的新舊衣
mā thó-ià lí ê sin-kū i
你可憐我
lí khó-liân guá
像我可憐你
tshiūnn guá khó-liân lí
