隨意啦
《隨意啦》Suî-ì–lah
玟靈Bûn-lîng
林家榮Lîm Ka-îng
——————————————
朋友見面真歡喜
pîng-iú kìnn-bīn tsin huann-hí
煩惱暫時請一邊
huân-ló tsiām-sî tshiánn tsi̍t-pinn
你我今日來鬥陣
lí guá kim-ji̍t lâi tàu-tīn
有情有義來相伨
ū-tsîng ū-gī lâi sio-thīn
人生難免不如意
jîn-sing lân-bián put-jû-ì
互相鼓勵佮支持
hōo-siong kóo-lē kah tsi-tshî
一生難得幾回醉
it-sing lân-tit kuí-huê tsuì
歡喜做伙最珍貴
huann-hí tsò-hué tsuè tin-kuì
啊~我乾杯啦你隨意
ah~ guá kan-pue–lah lí suî-ì
所有煩惱予伊去
sóo-ū huân-ló hōo i khì
人生短短幾十年
jîn-sing té-té kuí-tsa̍p nî
有緣才會來鬥陣
ū-iân tsiah-ē lâi tàu-tīn
啊~我乾杯啦你隨意
ah~ guá kan-pue–lah lí suî-ì
人生難揣好知己
jîn-sing lân tshuē hó ti-kí
你我相伨好瑪摺
lí guá sio-thīn hó má-tsih
互相鼓勵好過日
hōo-siong kóo-lē hó kuè-ji̍t
