變色的風景
《變色的風景》Piàn-sik ê Hong-kíng
拉縴人男聲合唱團La-khian-jîn Lâm-siann Ha̍p-tshiùnn-thuân
——————————————
我聽著樹仔咧哭
guá thiann-tio̍h tshiū-á teh khàu
當工人切開樹仔的枝葉
tng kang-lâng tshiat-khui tshiū-á ê ki-hio̍h
挖塗機挖開樹根
óo-thôo-ki óo-khui tshiū-kin
吊車將樹仔吊起來
tiàu-tshia tsiong tshiū-á tiàu–khí-lâi
樹仔聽著鳥仔咧哭
tshiū-á thiann-tio̍h tsiáu-á teh khàu
當樹仔搖動鳥仔
tng tshiū-á iô-tāng tsiáu-á
鳥岫落落地
tsiáu-siū lak lo̍h-tē
鳥仔無樹枝做岫
tsiáu-á bô tshiū-ki tsuè siū
鳥仔聽著人咧哭
tsiáu-á thiann-tio̍h lâng teh khàu
當土地暴露空洞
tng thóo-tē po̍k-lōo khong-tōng
鳥仔佮樹仔無影無蹤
tsiáu-á kah tshiū-á bô-iánn bô-tsong
綠色風景
li̍k-sik hong-kíng
變做殕色的天
piàn-tsò phú-sik ê thinn
我聽著樹仔咧哭
guá thiann-tio̍h tshiū-á teh khàu
綠色風景
li̍k-sik hong-kíng
變做殕色的天
piàn-tsò phú-sik ê thinn
