無路通退
《無路通退》Bô Lōo Thang Thuè
玟靈Bûn-lîng
——————————————
毋知有偌久
m̄-tsai ū guā-kú
無你的消息
bô lí ê siau-sit
手機仔內
tshiú-ki-á lāi
完全無你的批信
uân-tsuân bô lí ê phue-sìn
看著過去的相片
khuànn-tio̍h kuè-khì ê siòng-phìnn
親像昨昏的代誌
tshin-tshiūnn tsa̋ng ê tāi-tsì
為何如今全部攏消失
uī-hô jû-kim tsuân-pōo lóng siau-sit
你敢閣會記
lí kám koh ē-kì
講的海誓山盟
kóng ê hái-sè san-bîng
為何如今
uī-hô jû-kim
所有誓言攏拍毋見
sóo-ū sè-giân lóng phàng-kìnn
敢講過去的甜蜜
kám-kóng kuè-khì ê tinn-bi̍t
已經全部攏袂記
í-king tsuân-pōo lóng buē-kì
為何你
uī-hô lí
哪會遮雄來變心
ná ē tsiah hiông lâi piàn-sim
愛已經無路通退
ài í-king bô lōo thang thuè
情已經無法挽回
tsîng í-king bô-huat bán-huê
對你的心
tuì lí ê sim
到這馬閣咧滴血
kàu tsit-má koh teh tih-hueh
愛已經無路通退
ài í-king bô lōo thang thuè
情親像一場笑詼
tsîng tshin-tshiūnn tsi̍t-tiûnn tshiò-khue
只有戇戇看著你
tsí-ū gōng-gōng khuànn tio̍h lí
隨風去飛
suî hong khì pue
