幸福佗位揣
《幸福佗位揣》Hīng-hok Tó-uī Tshuē
林良歡Lîm Liông-huan
——————————————
一蕊玫瑰花
tsi̍t-luí muî-kuì-hue
一句愛我的話
tsi̍t-kù ài guá ê uē
我的心就來出賣
guá ê sim tiō lâi tshut-buē
愛你無後悔
ài lí bô hiō-hué
當做你我無緣
tòng-tsuè lí guá bô-iân
悲傷快樂藏心底
pi-siong khuài-lo̍k tshàng sim-té
親像斷線的風吹
tshin-tshiūnn tn̄g-suànn ê hong-tshue
付出的心無人欲
hù-tshut ê sim bô-lâng beh
阮的幸福欲佗位揣
gún ê hīng-hok beh tó-uī tshuē
茫茫的世間
bâng-bâng ê sè-kan
阮的心肝啥人的
gún ê sim-kuann siánn-lâng ê
溫柔的天地
un-jiû ê thinn-tē
從今後無人可替
tsiông-kim-āu bô-lâng khó thè
情份遮爾短
tsîng-hūn tsiah-nī té
目屎遐爾濟
ba̍k-sái hiah-nī tsuē
我的心
guá ê sim
只愛你一个
tsí ài lí tsi̍t-ê
