委屈做第二
《委屈做第二》Uí-khut Tsuè Tē-jī
依依I-i
——————————————
希望半暝仔到五更
hi-bāng puànn-mî-á kàu gōo-kinn
愛人仔伴身邊
ài-jîn-á phuānn sin-pinn
偏偏伊是做伊去
phian-phian i sī tsuè i khì
空留心稀微
khang lâu sim hi-bî
紙頭紙尾無名字
tsuá-thâu tsuá-bué bô miâ-jī
委屈做第二
uí-khut tsuè tē-jī
毋是老天相創治
m̄-sī lāu-thinn sio tshòng-tī
啥人會願意
siánn-lâng ē guān-ì
煩惱一日一日起
huân-ló tsi̍t-ji̍t-tsi̍t-ji̍t khí
阮是不得已
gún sī put-tik-í
上歹交代阮幼兒
siōng pháinn kau-tài gún iù-jî
問起老爸時
mn̄g-khí lāu-pē sî
將來也著看自己
tsiong-lâi iā tio̍h khuànn tsū-kí
恨命無怨天
hūn miā bô uàn thinn
牽涉感情的代誌
khan-sia̍p kám-tsîng ê tāi-tsì
袂當斷袂離
buē-tàng tn̄g buē-lī
紙頭紙尾無名字
tsuá-thâu tsuá-bué bô miâ-jī
委屈做第二
uí-khut tsuè tē-jī
毋是老天相創治
m̄-sī lāu-thinn sio tshòng-tī
啥人會願意
siánn-lâng ē guān-ì
