路邊羅漢
《路邊羅漢》Lōo-pinn Lô-hàn
安童An-tông
矮人É-lâng
——————————————
天光窗外鳥隻叫
thinn kng thang-guā tsiáu-tsiah kiò
出門做工手那搖
tshut-mn̂g tsuè-kang tshiú ná iô
滿面春風哈哈笑
muá-bīn tshun-hong ha-ha tshiò
朋友啊喂
pîng-iú–ah-ueh
彼號錢咱著愛惜
hit-lō tsînn lán tio̍h-ài sioh
食薰咱著來食弓蕉
tsia̍h-hun lán tio̍h lâi tsia̍h Kin-tsio
朋友不可跤手軟
pîng-iú put-khó kha-tshiú nńg
毋免失戀就心酸酸
m̄-bián sit-luân tō sim-sng-sng
做工咱為三頓飯
tsuè-kang lán uī sann-tǹg pn̄g
朋友啊喂
pîng-iú–ah-ueh
你著聽我苦勸
lí to̍h thiann guá khóo-khǹg
食薰咱著來食樂園
tsia̍h-hun lán tio̍h lâi tsia̍h Lo̍k-hn̂g
見著彼个愛人仔
kìnn-tio̍h hit ê ài-jîn-á
毋敢講
m̄-kánn kóng
心肝驚驚面發紅
sim-kuann kiann-kiann bīn huat-âng
食酒助氣會勇壯
tsia̍h-tsiú tsōo-khì ē ióng-tsòng
朋友啊喂
pîng-iú–ah-ueh
愛清爽
ài tshing-sóng
食薰咱著來食芬芳
tsia̍h-hun lán tio̍h lâi tsia̍h Hun-hong
青春戀愛三線路
tshing-tshun luân-ài sam-suànn-lōo
路頭常行袂生疏
lōo-thâu siông kiânn buē tshinn-soo
酒後最好才咧爽
tsiú-āu tsuè hó tsiah tih sóng
朋友啊喂
pîng-iú–ah-ueh
有妹顧
ū muē kòo
食酒咱著來食紅露
tsia̍h tsiú lán tio̍h lâi tsia̍h âng-lōo
三更半暝
sann-kinn-puànn-mî
就刑事仔咧叫
tō hîng-sū-á teh kiò
叫我欲去嘛刑事組
kiò guá beh khì–mah hîng-sū-tsoo
刑事問我
hîng-sū mn̄g guá
歹囝按怎做
pháinn-kiánn án-tsuánn tsò
刑事啊喂
hîng-sū–ah-uê
我事實攏無做
guá sū-si̍t lóng bô tsò
捒捒閣咧挵挵
sak-sak koh leh lòng-lòng
來送看守所
lâi sàng khàn-siú-sóo
透早起來
thàu-tsá khí-lâi
就半身啊痛疼
tō puànn-sin–ah thàng-thiànn
洗面洗喙
sé-bīn sé-tshuì
閣通食飯
koh thang tsia̍h-pn̄g
全食一碗糙米啊飯
tsuân tsia̍h tsi̍t-uánn tshò-bí–ah pn̄g
牽手啊喂
khan-tshiú–ah-ueh
我目屎做飯吞喔
guá ba̍k-sái tsuè pn̄g thun–ooh
法官坐在椅仔轎頂
huat-kuann tsē tsāi í-á-kiō tíng
犯人安排面頭前
huān-lâng an-pâi bīn-thâu-tsîng
六法全書
lio̍k-huat-tsuân-su
提來共伊反
the̍h lâi kā-i píng
一反啊閣一反
tsi̍t-píng–ah koh tsi̍t-píng
一反啊閣一反
tsi̍t-píng–ah koh tsi̍t-píng
強姦殺人著判死刑
kiông-kan sat-jîn to̍h phuànn sí-hîng
