花媠嘛著愛人疼
《花媠嘛著愛人疼》Hue Suí Mā Tio̍h-ài Lâng Thiànn
小林玉 Sió-lîm-gio̍k(王善Ông Siān)
——————————————
春到花欉上知影
tshun kàu hue-tsâng siōng tsai-iánn
你紅我白無輸贏
lí âng guá pe̍h bô-su-iânn
梳妝打扮費心情
se-tsng tánn-pān huì sim-tsiânn
哎唷!親像姑娘仔等人娶
aih-ioh! tshin-tshiūnn koo-niû-á tán lâng tshuā
清芳隨風四界行
tshing-phang suî hong sì-kè kiânn
姿態妖嬌為按怎
tsu-thài iau-kiau uī án-tsuánn
蜂蝶有心就知影
phang tia̍p ū-sim tiō tsai-iánn
哎唷!花媠嘛著愛人疼
aih-ioh! hue suí mā tio̍h-ài lâng thiànn
毋驚日頭赤焱焱
m̄-kiann ji̍t-thâu tshiah-iānn-iānn
上驚露水來重耽
siōng kiann lōo-tsuí lâi tîng-tânn
較媠一冬嘛一擺爾
khah suí tsi̍t-tang mā tsi̍t-pái niâ
你若愛花著愛斟酌聽
lí nā ài hue tio̍h-ài tsim-tsiok thiann
對待著愛用心肝
tuì-thāi tio̍h-ài iōng sim-kuann
花媠嘛著愛人疼
hue suí mā tio̍h-ài lâng thiànn
對待著愛用心肝
tuì-thāi tio̍h-ài iōng sim-kuann
花媠嘛著愛人疼
hue suí mā tio̍h-ài lâng thiànn
