愛情Do Re Mi
《愛情Do Re Mi》Ài-tsîng Do Re Mi
小林玉 Sió-lîm-gio̍k(王善Ông Siān)
——————————————
愛情甜蜜若歌詩
ài-tsîng tinn-bi̍t ná kua-si
唱來Do Re Mi
tshiùnn lâi Do Re Mi
愛情滋味鹹酸甜
ài-tsîng tsu-bī kiâm-sng-tinn
據在人歡喜
kì-tsāi-lâng huann-hí
愛情若酒好氣味
ài-tsîng ná tsiú hó khì-bī
未啉人先醉
buē lim lâng sing tsuì
愛情媠媠若花蕊
ài-tsîng suí-suí ná hue-luí
無你我會死
bô lí guá ē sí
Do是兩人相好咧散步
Do sī nn̄g-lâng siong-hó teh sàn-pōo
輕聲細說毋驚落大雨
khin-siann sè-sueh m̄-kiann lo̍h tuā-hōo
Re是兩人冤家頭犁犁
Re sī nn̄g-lâng uan-ke thâu lê-lê
又閣偏偏死鴨硬喙桮
iū-koh phian-phian sí-ah ngē tshuì-pue
Mi是每日相思情綿綿
Mi sī muí-ji̍t siunn-si tsîng mî-mî
一年當過別人兩三年
tsi̍t-nî tng kè pa̍t-lâng nn̄g-sann nî
只要兩人齊心來鬥陣
tsí-iàu nn̄g-lâng tsê-sim lâi tàu-tīn
Do Re Mi啊Do Re Mi
Do Re Mi–ah Do Re Mi
其實攏是我愛你
kî-si̍t lóng-sī guá ài lí
—
Do Re Mi啊Do Re Mi
Do Re Mi–ah Do Re Mi
其實攏是我愛你
kî-si̍t lóng-sī guá ài lí
