人生論
《人生論》Jîn-sing Lūn
李清風Lí Tshing-hong
海華Hái-huâ
——————————————
人生貧賤佮富榮
jîn-sing pîn-tsiān kah hù-îng
前因後果有註定
tsiân-in hiō-kó ū tsù-tīng
運去靜海起風湧
ūn khì tsīng-hái khí hong-íng
時來濁水也變清
sî lâi lô-tsuí iā piàn tshing
同氣連枝各自營
tông-khì liân-ki kok-tsū îng
一言半語莫相爭
it-giân puànn-gí bo̍k siong-tsig
人無墮落歹環境
lâng bô tuī-lo̍h pháinn khuân-kíng
毋知何路是光明
m̄-tsai hô lōo sī kong-bîng
青春嬌豔如花蕊
tshing-tshun kiau-iām jû hue-luí
可比十五月光輝
khó-pí tsa̍p-gōo gue̍h-kng hui
一旦失足千古累
it-tàn sit-tsiok tshian-kóo luī
不能如花春再開
put-lîng jû hua tshun tsài khui
世間金錢助人威
sè-kan kim-tsînn tsōo lâng ui
錢有勢有人人隨
tsînn ū sè ū lâng-lâng suî
冷暖世情真枉費
líng-luán sè-tsîng tsin óng-huì
大限時來何所歸
tāi-hān sî lâi hô sóo kui
人生一世草一春
jîn-sing it sè tshó it tshun
榮枯興敗如浮雲
îng-koo hing-pāi jû phû-hûn
日日生活若安穩
ji̍t-ji̍t sing-ua̍h nā an-ún
三頓佮人有火薰
sann-tǹg kah lâng ū hué-hun
天時地利配命運
thian-sî tē-lī phuè miā-ūn
做好道德蔭囝孫
tsuè hó tō-tik ìm kiánn-sun
貧富貴賤前世恩
pîn-hù kuì-tsiān tsîng-sè un
時來運轉樂天倫
sî lâi ūn tsuán lo̍k thian-lûn
