無情的時代
《無情的時代》Bô-tsîng ê Sî-tāi
李愛綺Lí Ài-khí(李嘉Lí Ka)
——————————————
繁華的都市
huân-huâ ê too-tshī
引阮心稀微
ín gún sim hi-bî
毋知愛人仔
m̄-tsai ài-jîn-á
你敢會變成放蕩的男兒
lí kám ē piàn-sîng hòng-tōng ê lâm-jî
你若有心也有意
lí nā ū-sim iā ū-ì
阮毋驚人懷疑
gún m̄-kiann lâng huâi-gî
你若存心咧搬戲
lí nā tsûn-sim teh puann-hì
你趁有金山
lí thàn ū kim-suann
阮也袂綴你
gún iā bē tè lí
愛阮著愛趁現在
ài gún tio̍h-ài thàn hiān-tsāi
毋通三心又兩意
m̄-thang sam-sim iū lióng-ì
啊~你是阮的愛
ah~ lí sī gún ê ài
啊~敢講你毋知
ah~ kám-kóng lí m̄-tsai
敢是這个現實的社會
kám-sī tsit ê hiān-si̍t ê siā-huē
改變了你的心
kái-piàn liáu lí ê sim
敢是這个無情的時代
kám-sī tsit ê bô-tsîng ê sî-tāi
強欲改變你對阮的愛
kiōng-beh kái-piàn lí tuì gún ê ài
