想甲睏袂去
《想甲睏袂去》Siūnn Kah Khùn Buē-khì
李天良Lí Thian-liông
劉雅惠Lâu Ngá-huī
——————————————
錢錢錢
tsînn tsînn tsînn
你是算啥物
lí sī sǹg siánn-mih
想欲將你搵豆油
siūnn-beh tsiong lí ùn tāu-iû
嘛吞袂落去
mā thun buē lo̍h-khì
為啥物逐家
uī-siánn-mih ta̍k-ke
為你費心機
uī lí huì sim-ki
逐你逐袂著
jiok lí jiok buē-tio̍h
你是在哪裡
lí sī tsāi ná-lí
偏偏你逐工
phian-phian lí ta̍k-kang
佮我覕相揣
kah guá bih-sio-tshuē
若無你
nā bô lí
日子實在嘛真歹過
ji̍t-tsí si̍t-tsāi mā tsin pháinn-kuè
為你三頓食袂落去
uī lí sann-tǹg tsia̍h buē lo̍h-khì
暗時仔想你
àm-sî-á siūnn lí
想甲睏袂去
siūnn kah khùn buē-khì
希望佮你變成是知己
hi-bāng kah lí piàn-sîng sī ti-kí
毋免逐工閣再咧逐你
m̄-bián ta̍k-kang koh-tsài teh jiok lí
有錢啥物代誌攏順利
ū-tsînn siánn-mih tāi-tsì lóng sūn-lī
過著快樂的日子
kuè tio̍h khuài-lo̍k ê ji̍t-tsí
