小姐對我使目尾
《小姐對我使目尾》Sió-tsiá Tuì Guá Sái-ba̍k-bué
李天良Lí Thian-liông
——————————————
對面的小姐
tuì-bīn ê sió-tsiá
對我駛目尾
tuì guá sái-ba̍k-bé
害我頭楞
hāi guá thâu gông
綴伊玲瑯踅
tè i lin-long se̍h
心跳緊甲擋袂牢
sim thiàu kín kah tòng buē-tiâu
等咧等咧
tán–leh tán–leh
我的目鏡咧
guá ê ba̍k-kiànn–leh
欲去佗位予我綴
beh khì tó-uī hōo guá tè
陪你同齊去踅街
puê lí tâng-tsê khì se̍h-ke
你有可愛的櫻桃喙
lí ū khó-ài ê ing-thô-tshuì
笑容又閣遐爾甜
tshiò-iông iū-koh hiah-nī tinn
迷人一對烏目睭
bê-lâng tsi̍t-tuì oo ba̍k-tsiu
想你想甲睏袂去
siūnn lí siūnn kah khùn buē-khì
無你變甲無趣味
bô lí piàn kah bô tshù-bī
戇戇煞來
gōng-gōng suah lâi
為你病相思
uī lí pīnn-siunn-si
