媽媽請你著等我
《媽媽請你著等我》Má-mah Tshiánn Lí Tio̍h Tán Guá
吳金寶Ngôo Kim-pó
——————————————
冷冷深夜
líng-líng tshim-iā
路燈照我孤單影
lōo-ting tsiò guá koo-tuann iánn
唱著一首寂寞的歌
tshiùnn tio̍h tsi̍t-siú tsi̍k-bo̍k ê kua
予我想起
hōo guá siūnn-khí
故鄉的媽媽
kòo-hiong ê má-mah
毋知你敢有勇健
m̄-tsai lí kám ū ióng-kiānn
敢有想我這个不孝囝
kám ū siūnn guá tsit ê put-hàu-kiánn
流浪異鄉的我
liû-lōng ī-hiong ê guá
只有是心疼
tsí-ū sī sim thiànn
繼續唱著寂寞的歌
kè-sio̍k tshiùnn tio̍h tsi̍k-bo̍k ê kua
來陪伴流浪的我
lâi puê-phuānn lâu lōng ê guá
冷冷月夜
líng-líng gue̍h-iā
夢著故鄉的媽媽
bāng-tio̍h kòo-hiong ê má-mah
講我毋是流浪的命
kóng-guá m̄-sī liû-lōng ê miā
趕緊回鄉
kuánn-kín huê-hiong
烏暗路歹行
oo-àm-lōo pháinn-kiânn
故鄉山
kòo-hiong suann
回鄉的我
huê hiong ê guá
毋知如今變成按怎
m̄-tsai jû-kim piàn-sîng án-tsuánn
流浪異鄉的我
liû-lōng ī-hiong ê guá
歡喜的心情
huann-hí ê sim-tsiânn
那行那唱快樂的歌
ná kiânn ná tshiùnn khuài-lo̍k ê kua
媽媽請你著等我
má-mah tshiánn lí tio̍h tán guá
