一生的記智
《一生的記智》It-sing ê Kì-tì
艾贏Ngāi-iânn
——————————————
一个人的生活
tsi̍t-ê lâng ê sing-ua̍h
兩个人的思念
nn̄g-ê lâng ê su-liām
對你放袂落的牽掛
tuì lí pàng buē-lo̍h ê khian-kuà
留袂牢的時間
lâu buē-tiâu ê sî-kan
相守的誓言
siong-siú ê sè-giân
只有留著永遠的遺憾
tsí-ū lâu tio̍h íng-uán ê uî-hām
為誰痴情為誰淚
uī siáng tshi-tsîng uī siáng luī
為伊心疼放袂開
uī i sim thiànn pàng buē-khui
綿綿的思念佮牽掛
mî-mî ê su-liām kah khian-kuà
留著的情已過去
lâu–tio̍h ê tsîng í kuè–khì
心事訴自己
sim-sū sòo tsū-kí
只有將你囥心肝
tsí-ū tsiong lí khǹg sim-kuann
一生的記智
it-sing ê kì-tì
