痴情毋值錢
《痴情毋值錢》Tshi-tsîng M̄-ta̍t-tsînn
方順吉Png Sūn-kiat
——————————————
過去的一點一滴
kuè-khì ê tsi̍t-tiám-tsi̍t-tih
浮現在眼前
phû-hiān tsāi gán-tsîng
相思夜夜纏
siunn-si iā-iā tînn
放我心稀微
pàng guá sim hi-bî
為你戇戇等
uī lí gōng-gōng tán
痴心毋願醒
tshi-sim m̄-guān tshínn
燒酒共斟予滇
sio-tsiú kā thîn hōo tīnn
一喙啉落去
tsi̍t-tshuì lim–lo̍h-khì
愛你的心
ài lí ê sim
無情拍碎
bô-tsîng phah-tshuì
灑向無邊的暝
sá hiòng bô-pinn ê mî
心內的空喙
sim-lāi ê khang-tshuì
為何會來一日一日添
uī-hô ē lâi tsi̍t-ji̍t-tsi̍t-ji̍t thinn
失去的愛
sit–khì ê ài
親像流星
tshin-tshiūnn liû-tshinn
墜落茫茫深更
tuī-lo̍h bâng-bâng tshim-kinn
心疼的滋味
sim thiànn ê tsu-bī
定定來凌治
tiānn-tiānn lâi lîng-tī
到底是為啥物
tàu-té sī uī-siánn-mih
舊情歌聲聲哀悲
kū tsîng-kua siann-siann ai-pi
較想較疼啊
khah siūnn khah thiànn–ah
痴情毋值錢
tshi-tsîng m̄-ta̍t tsînn
