為你閣再醉一回
《為你閣再醉一回》Uī Lí Koh-tsài Tsuì Tsi̍t-huê
王暮然Ông Bōo-jiân(北京)
——————————————
捀著滿滿的酒杯
phâng tio̍h buán-buán ê tsiú-pue
心事為何遮爾濟
sim-sū uī-hô tsiah-nī tsuē
真久無聽著你的電話
tsin kú bô thiann-tio̍h lí ê tiān-uē
親像斷線的風吹
tshin-tshiūnn tn̄g-suànn ê hong-tshue
思念的心像雲罩月
su-liām ê sim tshiūnn hûn tà gue̍h
無你的人生變烏白
bô lí ê jîn-sing piàn oo-pe̍h
目屎忽然間失去控制
ba̍k-sái hut-jiân-kan sit-khì khòng-tsè
只有燒酒來交陪
tsí-ū sio-tsiú lâi kau-puê
為你閣再醉
uī lí koh-tsài tsuì
醉一回
tsuì tsi̍t-huê
對你的愛毋是假
tuì lí ê ài m̄-sī ké
今生今世
kim-sing kim-sè
阮只愛你一个
gún tsí ài lí tsi̍t-ê
為你閣再醉
uī lí koh-tsài tsuì
醉一回
tsuì tsi̍t-huê
上愛的人無地揣
siōng ài ê lâng bô-tè tshuē
連予我最後的批
liân hōo guá tsuè-āu ê phue
也一筆帶過
iā tsi̍t-pit tài–kuè
