為你唱一首歌
《為你唱一首歌》Uī Lí Tshiùnn Tsi̍t-siú Kua
王壹珊Ông It-san
——————————————
今夜又踮佇遮
kim-iā iū tiàm-tī tsia
穿一領鮮紅的衫
tshīng tsi̍t-niá tshinn-âng ê sann
用哀怨的Melody
iōng ai-uàn ê Melody
陪伴著你
puê-phuānn tio̍h lí
舞臺上光映映
bú-tâi siōng kng iànn-iànn
舞臺跤嘻嘻嘩嘩
bú-tâi kha hi-hi huā-huā
心中的酸甘甜
sim-tiong ê sng-kam-tinn
到底啥人知影
tàu-té siánn-lâng tsai-iánn
為你唱一條歌
uī lí tshiùnn tsi̍t-tiâu kua
為你心疼
uī lí sim thiànn
阮滿腹憂悶的話
gún muá-pak iu-būn ê uē
來安慰你的孤單
lâi an-uì lí ê koo-tuann
為你唱一條歌
uī lí tshiùnn tsi̍t-tiâu kua
為你心疼
uī lí sim thiànn
將人生當做是歌
tsiong jîn-sing tòng-tsuè sī kua
莫閣想是為按怎
mài koh siūnn sī uī-án-tsuánn
迷人的音樂聲
bê-lâng ê im-ga̍k-siann
配今夜的酒予焦
phuè kim-iā ê tsiú hōo ta
有偌濟不如意
ū guā-tsuē put-jû-ì
攏放予風吹散
lóng pàng hōo hong tshue-suànn
