旅途的風景
《旅途的風景》Lú-tôo ê Hong-kíng
紅木屐合唱團Âng-ba̍k-kia̍h Ha̍p-tshiùnn-thuân
——————————————
鑽過島國的心臟
tsǹg kuè tó-kok ê sim-tsōng
火車那走那緊
hué-tshia ná tsáu ná kín
阿媽咧等我
a-má teh tán guá
遐是懷念的故鄉
hia sī huâi-liām ê kòo-hiong
鑽過島國的心臟
tsǹg kuè tó-kok ê sim-tsōng
火車那走那緊
hué-tshia ná tsáu ná kín
阿媽咧等我
a-má teh tán guá
遐是懷念的故鄉
hia sī huâi-liām ê kòo-hiong
窗外閃爍的景色
thang-guā siám-sih ê kíng-sik
親像展開的圖片
tshin-tshiūnn tián-khui ê tôo-phìnn
一張閣一張
tsi̍t-tiunn koh tsi̍t-tiunn
掀開美麗的臺灣
hian-khui bí-lē ê Tâi-uân
山脈的笑容
suann-me̍h ê tshiò-iông
藏佇白雲中
tshàng tī pe̍h-hûn tiong
藍色的海洋
nâ-sik ê hái-iûnn
鳥仔飛啊飛啊飛
tsiáu-á pue–ah pue–ah pue
戇直的白翎鷥
gōng-ti̍t ê pe̍h-līng-si
蹛佇咱兜的田園
tuà tī lán tau ê tshân-hn̂g
彼片青翠的土地
hit phiàn tshinn-tshuì ê thóo-tē
遮是我永遠的故鄉
tsia sī guá íng-uán ê kòo-hiong
一遍一遍的旅途
tsi̍t-piàn-tsi̍t-piàn ê lú-tôo
一遍閣一遍一遍
tsi̍t-piàn koh tsi̍t-piàn-tsi̍t-piàn
看著
khuànn-tio̍h
性命中的風景
sìnn-miā tiong ê hong-kíng
