創造真善美的世紀
《創造真善美的世紀》Tshòng-tsō Tsin-siān-bí ê Sè-kí
紅木屐合唱團Âng-ba̍k-kia̍h Ha̍p-tshiùnn-thuân
——————————————
佇極其無閒的人生
tī ki̍k-kî bô-îng ê jîn-sing
來來去去
lâi-lâi-khì-khì
你有你的理想
lí ū lí ê lí-sióng
我有我的心志
guá ū guá ê sim-tsì
佇充滿煩雜的世間
tī tshiong-buán huân-tsa̍p ê sè-kan
來來去去
lâi-lâi-khì-khì
你若毋願就我
lí nā m̄-guān tsiū guá
我也毋願讓你
guá iā m̄-guān niū lí
定定為著
tiānn-tiānn uī-tio̍h
小小可可的代誌
sió-sió-khuá-khuá ê tāi-tsì
意氣用事失去和氣
ì-khì iōng-sū sit-khì hô-khì
傷害著咱的好情義
siunn hāi-tio̍h lán ê hó tsîng-gī
這款的人生
tsit khuán ê jîn-sing
哪有啥物意義
ná ū siánn-mih ì-gī
啊~請看
ah~ tshiánn khuànn
懸山大海的志氣
kuân-suann tuā-hái ê tsì-khì
日月星辰的雅意
ji̍t-gua̍t sing-sîn ê ngá-ì
宇宙曠闊無比
ú-tiū khòng-khuah bô-pí
包容至微細的我佮你
pau-iông tsì bî-sè ê guá kah lí
咱攏是兄弟姊妹
lán lóng-sī hiann-tī-tsí-muē
富貴名利是暫時
hù-kuì bîng-lī sī tsiām-sî
何必為著小事起爭議
hô-pit uī-tio̍h sió-sū khí tsing-gī
啊~請來
ah~ tshiánn lâi
你用真情牽你的朋友
lí iōng tsin-tsîng khan lí ê pîng-iú
我用關懷招我的厝邊
guá iōng kuan-huâi tsio guá ê tshù-pinn
大家結緣成做知己
tāi-ke kiat-iân tsiânn-tsuè ti-kí
咱來掖疼佮和平的種子
lán lâi iā thiànn kah hô-pîng ê tsíng-tsí
咱來創造真善美的世紀
lán lâi tshòng-tsō tsin-siān-bí ê sè-kí
咱來創造
lán lâi tshòng-tsō
真善美的世紀
tsin-siān-bí ê sè-kí
