兄弟
《兄弟》Hiann-tī
阿財唸歌樂團A-tsâi Liām-kua Ga̋k-thuân
——————————————
較早離開故鄉
khah-tsá lī-khui kòo-hiong
講欲趁錢
kóng beh thàn-tsînn
阿爸阿娘
a-pah a-niâ
嘛送到車頭邊
mā sàng kàu tshia-thâu pinn
再三對阮有啊交代
tsài-sann tuì gún ū–ah kau-tài
叫阮做事著愛有志氣
kiò gún tsuè-sū tio̍h-ài ū tsì-khì
阮嘛當天有啊咒誓
gún mā tng thinn ū–ah tsiù-tsuā
一定欲成功
it-tīng beh sîng-kong
才有倒轉去
tsiah ū tò-tńg–khì
無疑經過才一年
bô-gî king-kuè tsiah tsi̍t-nî
阮就佮人咧做兄弟
gún tiō kah lâng teh tsuè hiann-tī
論英雄賭氣魄
lūn ing-hiông tóo khì-phik
拚地盤收利頭
piànn tē-puânn siu lī-thâu
刀光劍影過日子
to-kong kiàm-iánn kuè ji̍t-tsí
有時嘛愛
ū-sî mā ài
拚甲大空細裂
piànn kah tuā-khang-sè-li̍h
這款生活
tsit khuán sing-ua̍h
實在是歹過日
si̍t-tsāi sī pháinn kuè-ji̍t
若是懵懂出代誌
nā sī bóng-tóng tshut-tāi-tsì
出代誌
tshut-tāi-tsì
兄弟四散走去覕
hiann-tī sì-suànn tsáu-khì bih
走去覕
tsáu-khì bih
破厝廟埕時常去
phuà-tshù biō-tiânn sî-siông khì
時常去
sî-siông khì
冷風吹來露水滴
líng-hong tshue–lâi lōo-tsuí tih
露水滴
lōo-tsuí tih
忍受風寒佮枵飢
jím-siū hong-kuânn kah iau-ki
佮枵飢
kah iau-ki
若無
nā-bô
掠著上少愛幾若年
lia̍h–tio̍h siōng tisó ài kuí-lō nî
較早阮是燒酒無半滴
khah-tsá gún sī sio-tsiú bô puànn-tih
無半滴
bô puànn-tih
如今阮是身軀全酒味
jû-kim gún sī sin-khu tsuân tsiú-bī
全酒味
tsuân tsiú-bī
毋是阮愛杯中物
m̄-sī gún ài pue-tiong mi̍h
杯中物
pue-tiong mi̍h
只是借酒來解愁
tsí-sī tsioh tsiú lâi kái-tshiû
來解愁
lâi kái-tshiû
若想著這款的代誌
nā siūnn-tio̍h tsit khuán ê tāi-tsì
這款的代誌
tsit khuán ê tāi-tsì
想著就心啊稀微
siūnn-tio̍h tiō sim–ah hi-bî
—
別人規家咧做伙
pa̍t-lâng kui-ke teh tsò-hué
阮是佮散的咧覕相揣
gún sī kah sàn–ê teh bih-sio-tshuē
別人規家咧團圓
pa̍t-lâng kui-ke teh thuân-înn
阮是較唱嘛思雙枝
gún sī khah tshiùnn mā su-siang-ki
