玉蘭花
《玉蘭花》Gio̍k-lân-hue
林彙敏Lîm Luī-bín
——————————————
玉蘭花
gio̍k-lân-hue
玉蘭花
gio̍k-lân-hue
玉蘭花開四季芳
gio̍k-lân-hue khui sù-kuì phang
想欲送予心愛彼个人
siūnn-beh sàng hōo sim-ài hit ê lâng
希望雄雄拍開的車窗
hi-bāng hiông-hiông phah-khui ê tshia-thang
是阮日夜思念的情郎
sī gún ji̍t-iā su-liām ê tsîng-lông
戇戇倚在路邊的欄杆
gōng-gōng uá tsāi lōo-pinn ê lân-kan
偷偷做著純情青春夢
thau-thau tsuè tio̍h sûn-tsîng tshing-tshun bāng
毋驚日頭懸
m̄-kiann ji̍t-thâu kuân
毋驚雨水淋
m̄-kiann hōo-tsuí lân
上驚心愛走去藏
siōng kiann sim-ài tsáu khì tshàng
害阮踮遮等無人
hāi gún tiàm tsia tán-bô lâng
一句閣一句
tsi̍t-kù koh tsi̍t-kù
一聲閣一聲
tsi̍t-siann koh tsi̍t-siann
玉蘭玉蘭
gio̍k-lân gio̍k-lân
玉蘭玉蘭
gio̍k-lân gio̍k-lân
白花雖然無紅花豔
pe̍h-hue sui-jiân bô âng-hue iām
紅花也無阮白花芳
âng-hue iā bô gún pe̍h-hue phang
豔花花媠無百日紅
iām-hue hue suí bô pa̍h-ji̍t âng
阮是花開春夏秋冬
gún sī hue khui tshun-hā tshiu-tang
玉蘭花
gio̍k-lân-hue
玉蘭花
gio̍k-lân-hue
