心愛的免悲傷
《心愛的免悲傷》Sim-ài–ê Bián Pi-siong
林慧如Lîm Huī-jû
——————————————
毋是我無情理
m̄-sī guá bô tsîng-lí
是無情環境來所致
sī bô-tsîng khuân-kíng lâi sóo-tì
也毋是爸母阻礙才分離
iā m̄-sī pē-bú tsóo-gāi tsiah hun-lî
是為你自己來所致
sī uī lí tsū-kí lâi sóo-tì
今日雖然拆分離
kim-ji̍t sui-jiân thiah hun-lî
也希望今後
iā hi-bāng kim-āu
你會幸福過日子
lí ē hīng-hok kuè ji̍t-tsí
啊~心愛的
ah~ sim-ài–ê
請毋通來傷悲
tshiánn m̄-thang lâi siong-pi
我為你珠淚滴
guá uī lí tsu-luī tih
這全是痴情來所致
tse tsuân sī tshi-tsîng lâi sóo-tì
阮想欲將著過去放袂記
gún siūnn-bueh tsiong tio̍h kè-khì pàng-buē-kì
誰知我真情放袂離
siáng tsai guá tsin-tsîng pàng buē-lī
今日雖然拆分離
tann ji̍t sui-jiân thiah hun-lî
誰知我佮你分離
siáng tsai guá kah lí hun-lî
猶原心傷悲
iu-guân sim siong-pi
啊~心愛的
ah~ sim-ài–ê
我為你心傷悲
guá uī lí sim siong-pi
