毋通看輕自己
《毋通看輕自己》M̄-thang Khuànn-khin Tsū-kí
林明興Lîm Bîng-hing
——————————————
人無十全佮十美
lâng bô si̍p-tsuân kah si̍p-bí
外表媠䆀無地比
guā-piáu suí-bái bô-tè pí
外表缺陷免傷悲
guā-piáu khuat-hām bián siong-pi
毋通產生著自卑
m̄-thang sán-sing tio̍h tsū-pi
自暴自棄無了時
tsū-pō-tsū-khì bô-liáu-sî
堅強自己才合理
kian-kiông tsū-kí tsiah ha̍p-lí
天生我才有志氣
thian sing guá tsiah ū tsì-khì
毋通看輕著自己
m̄-thang khuànn-khin tio̍h tsū-kí
毋通怨天怨地
m̄-thang uàn-thinn uàn-tē
應該著學鄭豐喜
ing-kai tio̍h o̍h Tēnn Hong-hí
創造未來的時機
tshòng-tsō bī-lâi ê sî-ki
人生充滿意義
jîn-sing tshiong-buán ì-gī
過著快樂日子
kuè tio̍h khuài-lo̍k ji̍t-tsí
