愛情
《愛情》Ài-tsîng
良山Liông-san
——————————————
愛情有時是甘露
ài-tsîng ū-sî sī kam-lōo
滋潤了阮心內的沙漠
tsu-jūn liáu gún sim-lāi ê sua-bo̍k
灌溉著阮熱心栽培的
kuàn-kài tio̍h gún jia̍t-sim tsai-puê ê
美麗的花圃
bí-lē ê hue-phóo
愛情有時是痛苦
ài-tsîng ū-sî sī thòng-khóo
擾亂了阮平靜的心湖
jiáu-luān liáu gún pîng-tsīng ê sim-ôo
拍碎了阮用心計策的
phah-tshuì liáu gún iōng-sim kè-tshik ê
燦爛的前途
tshàn-lān ê tsiân-tôo
愛情有時甜來有時苦
ài-tsîng ū-sî tinn–lâi ū-sî khóo
有時天清有時落雨
ū-sî thinn tshing ū-sî lo̍h-hōo
有時陣踮在原地
ū-sî-tsūn tiàm-tsāi guân-tē
攏袂進步
lóng bē tsìn-pōo
戇戇咧踅圓箍
gōng-gōng teh se̍rh înn-khoo
愛情有時是甘露
ài-tsîng ū-sî sī kam-lōo
滋潤了阮心內的沙漠
tsu-jūn liáu gún sim-lāi ê sua-bo̍k
希望是
hi-bāng sī
這擺的愛情的旅途
tsit-pái ê ài-tsîng ê lú-tôo
毋通天變烏
m̄-thang thinn piàn oo
