你若活到四十外
《你若活到四十外》Lí Nā Ua̍h Kah Sì-tsa̍p-guā
良山Liông-san
——————————————
你若活到四十外
lí nā ua̍h kah sì-tsa̍p-guā
猶閣孤孤單單
iáu-koh koo-koo-tuann-tuann
你若活到四十外
lí nā ua̍h kah sì-tsa̍p-guā
猶閣無人叫你爸爸
iáu-koh bô-lâng kiò lí pa-pa
喔~這是啥物變卦
ooh~ tse sī siánn-mih piàn-kuà
這是啥物變卦
tse sī siánn-mih piàn-kuà
予你孤單無伴
hōo lí koo-tuann bô-phuānn
敢是運命
kám-sī ūn-miā
敢是運命
kám-sī ūn-miā
在人生坎坷的旅途
tsāi jîn-sing khám-khia̍t ê lú-tôo
無人伴你行
bô-lâng phuānn lí kiânn
