念你在心內
《念你在心內》Liām Lí Tsāi Sim-lāi
沈文程Sím Bûn-tîng
——————————————
問我因何遮無奈
mn̄g guá in-hô tsiah bô-nāi
因何委屈吞腹內
in-hô uí-khut thun pak-lāi
因為當初恩恩愛愛
in-uī tong-tshoo un-un-ài-ài
不幸有阻礙
put-hīng ū tsóo-gāi
伊對我的真情
i tuì guá ê tsin-tsîng
我真了解
guá tsin liáu-kái
阮的心意伊也知
gún ê sim-ì i iā tsai
山盟海誓猶原在
san-bîng hái-sè iu-guân tsāi
如今一切沉落海
jû-kim it-tshè tîm lo̍h-hái
問我因何流目屎
mn̄g guá in-hô lâu ba̍k-sái
愛人仔離開最悲哀
ài-jîn-á lī-khui tsuè pi-ai
阮只有望你快樂自在
gún tsí-ū bāng lí khuài-lo̍k tsū-tsāi
念你在心內
liām lí tsāi sim-lāi
