臺灣做陣行
《臺灣做陣行》Tâi-uân Tsuè-tīn Kiânn
李天良Lí Thian-liông
闕美麗Khuat Bí-lē
劉雅惠Lâu Ngá-huī
廖婉妤Liāu Uán-û
——————————————
出世臺灣有福報
tshut-sì Tâi-uân ū hok-pò
山明水秀是好𨑨迌
san-bîng tsuí-siù sī hó tshit-thô
四季分明是寶島
sù-kuì hun-bîng sī pó-tó
澎湖金門馬祖行
Phînn-ôo Kim-mn̂g Má-tsóo kiânn
蘭陽平原龜山島
Lányángpíngyuán Ku-suann-tó
基隆海港臺灣頭
Ke-lâng hái-káng Tâi-uân-thâu
草山北投泡溫泉
Tsháu-suann Pak-tâu phàu un-tsuânn
好山好水日月潭
hó-san hó-suí Ji̍t-gua̍t-thâm
北港媽祖上靈感
Pak-káng Má-tsóo siōng lîng-kám
阿里山頂看雲海
A-lí-suann tíng khuànn hûn-hái
高雄愛河雙人行
Ko-hiông Ài-hô siang-lâng kiânn
花東後山美麗影
Hua-tang Āu-suann bí-lē iánn
疼惜臺灣做陣行
thiànn-sioh Tâi-uân tsuè-tīn kiânn
