鳥鼠哭貓假有情
《鳥鼠哭貓假有情》Niáu-tshí Khàu Niau Ké Ū-tsîng
石喬Tsio̍h-kiâu(石橋Tsio̍h-kiô)
——————————————
阿君欲轉娘欲留
a-kun bueh tńg niû bueh lâu
留君神魂用紙包
lâu kun sîn-hûn iōng tsuá pau
等君去後提來敨
tán kun khì āu the̍h-lâi tháu
日日看君在阮兜
ji̍t ji̍t khuànn kun tsāi gún tau
蓮子開花一點紅
lián-tsí khui-hue it-tiám hông
全望娘囝相疼痛
tsuân bāng niû-kiánn sio thiànn-thàng
阿娘相害千毋通
a-niâ sio-hāi tshian m̄-thang
帶念阿哥出外人
tài-liām a-ko tshut-guā-lâng
孔明用計在城頂
Khóng-bîng iōng-kè tsāi siânn-tíng
魏公壓倒七星燈
Guī-kong ah-tó tshit-tshinn-ting
阿娘的喙真𠢕變
a-niû ê tshuì tsin gâu piàn
鳥鼠哭貓假盡情
niáu-tshú khàu niau ké tsīn-tsîng
地下透風起塗粉
tē-hā thàu-hong khí thôo-hún
天頂落雨起風雲
thinn-tíng lo̍h-hōo khí hong-hûn
佮嫂割斷心肝悶
kah só kuah-tn̄g sim-kuann būn
糜飯袂食湯袂吞
muê-pn̄g buē tsia̍h thng buē thun
