男兒的意志
《男兒的意志》Lâm-jî ê Ì-tsì
石喬Tsio̍h-kiâu(石橋Tsio̍h-kiô)
——————————————
港口風微微
káng-kháu hong bî-bî
男兒愛立志
lâm-jî ài li̍p-tsì
堂堂一个好男兒
tông-tông tsi̍t-ê hó lâm-jî
毋通輕輕來失志
m̄-thang khin-khin lâi sit-tsì
港口好男兒
káng-kháu hó lâm-jî
最重是情義
tsuè tiōng sī tsîng-gī
何必時常嘆稀微
hô-pit sî-siông thàn hi-bî
何必嘆傷悲
hô-pit thàn siong-pi
應該堅強男兒意志
ing-kai kian-kiông lâm-jî ì-tsì
港口好男兒
káng-kháu hó lâm-jî
立誓佮立志
li̍p-sè kah li̍p-tsì
甘願犧牲伊自己
kam-guān hi-sing i tsū-kí
賭著性命顧鄉里
tóo tio̍h sìnn-miā kòo hiunn-lí
世間人情味
sè-kan jîn-tsîng-bī
毋敢放袂記
m̄-kánn pàng-buē-kì
決心不再嘆稀微
kuat-sim put-tsài thàn hi-bî
不再嘆傷悲
put-tsài thàn siong-pi
堅強男兒奮鬥意志
kian-kiông lâm-jî hùn-tòo ì-tsì
