無情的落雨暝
《無情的落雨暝》Bô-tsîng ê Lo̍h-hōo-mî
石喬Tsio̍h-kiâu(石橋Tsio̍h-kiô)
——————————————
今夜又是落雨暝
kim-iā iū sī lo̍h-hōo-mî
杜蚓哭聲悲
tōo-kún khàu-siann pi
引起我想起彼當時
ín-khí guá siūnn-khí hit-tong-sî
心內苦無比
sim-lāi khóo bô-pí
你愛我我也愛你
lí ài guá guá iā ài lí
為何袂當來做堆
uī-hô buē-tàng lâi tsuè-tui
啊~落雨暝落雨暝
ah~ lo̍h-hōo-mî lo̍h-hōo-mî
今夜又是落雨暝
kim-iā iū sī lo̍h-hōo-mî
今夜又是落雨暝
kim-iā iū sī lo̍h-hōo-mî
暗風冷吱吱
àm-hong líng ki-ki
毋想你偏偏想你
m̄ siūnn lí phian-phian siūnn lí
翻來又翻去
huan-lâi iū huan-khì
你已經嫁予別人
lí í-king kè hōo pa̍t-lâng
永遠袂當來做堆
íng-uán buē-tàng lâi tsuè-tui
啊~落雨暝落雨暝
ah~ lo̍h-hōo-mî lo̍h-hōo-mî
今夜又是落雨暝
kim-iā iū sī lo̍h-hōo-mî
