愛的情難移
《愛的情難移》Ài ê Tsîng Lân-î
石喬Tsio̍h-kiâu(石橋Tsio̍h-kiô)
——————————————
為情難分難離
uī tsîng lân-hun lân-lî
為愛心也憔悴
uī ài sim iā tsiâu-tsuī
叫阮怎樣來講起
kiò gún tsánn-iūnn lâi kóng-khí
想著心傷悲
siūnn-tio̍h sim siong-pi
是啥物啥物代誌
sī siánn-mih siánn-mih tāi-tsì
袂得通來做堆
buē-tit-thang lâi tsuè-tui
是啥人阻礙
sī siánn-lâng tsóo-gāi
拆開咱情愛
thiah-khui lán tsîng-ài
偏偏欲予阮來
phian-phian beh hōo gún lâi
為你流目屎
uī lí lâu ba̍k-sái
阮是非常愛你
gún sī hui-siông ài lí
誰知環境所致
siáng tsai khuân-kíng sóo-tì
自嘆阮是流浪兒
tsū-thàn gún sī liû-lōng-jî
配不起著你
phuè put-khí tio̍h lí
是啥物啥物代誌
sī siánn-mih siánn-mih tāi-tsì
這款共阮安排
tsit khuán kā gún an-pâi
雖然我無錢
sui-jiân guá bô tsînn
通好來娶你
thang-hó lâi tshuā lí
阮對你情難移
gún tuì lí tsîng lân-î
愛你在心內
ài lí tsāi sim-lāi
