兄弟的氣概
《兄弟的氣概》Hiann-tī ê Khì-khài
石喬Tsio̍h-kiâu(石橋Tsio̍h-kiô)
——————————————
社會上
siā-huē-siōng
欲佮人來鬥陣
bueh kah lâng lâi tàu-tīn
著愛知
tio̍h-ài tsai
頭一步著講氣概
thâu tsi̍t-pōo tio̍h kóng khì-khài
清白的心內
tshing-pi̍k ê sim-lāi
做兄弟互相了解
tsuè hiann-tī hōo-siong liáu-kái
彼款生活才會存在
hit khuán sing-ua̍h tsiah ē tsûn-tsāi
無論是大漢細漢初熟似
bô-lūn sī tuā-hàn sè-hàn tshoo-si̍k-sāi
初熟似初熟似初熟似
tshoo-si̍k-sāi tshoo-si̍k-sāi tshoo-si̍k-sāi
若欲予人崇拜
nā bueh hōo-lâng tsông-pài
勇氣提出來
ióng-khì the̍h–tshut-lâi
毋管伊啥物時陣
m̄-kuán-i siánn-mih sî-tsūn
咱著愛忍耐
lán tio̍h-ài jím-nāi
做代誌倚靠理智
tsuè tāi-tsì uá-khò lí-tì
這款才應該
tsit khuán tsiah ing-kai
毋通來欺貧重富
m̄-thang lâi khi-pîn tiōng-hù
彼款做人才有意義
hit khuán tsuè-lâng tsiah ū ì-gī
若有人啥物困難幫助伊
nā ū-lâng siánn-mih khùn-lân pang-tsōo i
幫助伊幫助伊幫助伊
pang-tsōo i pang-tsōo i pang-tsōo i
予人會來稱讚
hōo-lâng ē lâi tshing-tsàn
就是好男兒
tsiū-sī hó lâm-jî
你敢知古早時代
lí kám tsai kóo-tsá sî-tāi
桃園三結義
Thô-hn̂g sam-kiat-gī
烏張飛關公劉備
Oo-Tiunn Hui Kuan-kong Lâu Pī
結拜做兄弟
kiat-pài tsuè hiann-tī
拚生死為著啥物
piànn-sinn-sí uī-tio̍h siánn-mih
猶原為著真情義理
iu-guân uī-tio̍h tsin-tsîng gī-lí
彼款的作風咱著學起來
hit khuán ê tsok-hong lán tio̍h o̍h–khí-lâi
學起來學起來學起來
o̍h–khí-lâi o̍h–khí-lâi o̍h–khí-lâi
任咱走遍天涯
jīm lán tsáu-phiàn thian-gâi
無人會阻礙
bô-lâng ē tsóo-gāi
