阮毋是落翼仔
《阮毋是落翼仔》Gún M̄-sī Làu-si̍t-á
尤君Iû Kun
——————————————
毋通對阮膏膏纏
m̄-thang tuì gún ko-ko-tînn
請你講話愛細膩
tshiánn lí kóng-uē ài sè-jī
毋通看著小姐
m̄-thang khuànn-tio̍h sió-tsiá
就欲瀳
tō beh tshînn
有時你會真不利
ū-sî lí ē tsin put-lī
你看覓
lí khuànn-māi
我敢有像落翼仔
guá kám ū tshiūnn làu-si̍t-á
抑是親像女煞星
ia̍h-sī tshin-tshiūnn lú-suah-tshinn
若是閣再膏膏纏
41-sī koh-tsài ko-ko-tînn
頭殼會規癗面烏青
thâu-khak ē kui-luî bīn oo-tshinn
毋通帶著痟狗病
m̄-thang tài-tio̍h siáu-káu-pīnn
激著彼款豬哥面
kik tio̍h hit khuán ti-ko-bīn
毋通踮遐
m̄-thang tiàm hia
喙瀾㴙㴙滴
tshuì-nuā tsha̍p-tsha̍p-tih
予我受氣你會不利
hōo guá siūnn-khì lí ē put-lī
你看覓
lí khuànn-māi
我敢有像落翼仔
guá kám ū tshiūnn làu-si̍t-á
抑是親像女煞星
ia̍h-sī tshin-tshiūnn lú-suah-tshinn
若是毋去做代誌
nā-sī m̄ khì tsuè tāi-tsì
小等咧你就走袂離
sió-tán–leh lí tiō tsáu-buē-lī
你看覓
lí khuànn-māi
我敢有像落翼仔
guá kám ū tshiūnn làu-si̍t-á
抑是親像女煞星
ia̍h-sī tshin-tshiūnn lú-suah-tshinn
若是閣再膏膏纏
nā-sī koh-tsài ko-ko-tînn
頭殼會規癗面烏青
thâu-khak ē kui-luî bīn oo-tshinn
