聖侯公祖歌
《聖侯公祖歌》Sìng-hiô Kong-tsóo Kua
方貴明Png Kuì-bîng(廈門)
林飛揚Lîm Hui-iông
——————————————
唐朝尾年
Tông-tiâu bué-nî
農民起義
lông-bîn khí-gī
北辰山來一个王審知
Pak-sîn-suann lâi tsi̍t-ê Ông Sím-ti
拜劍掛帥
pài kiàm kuà suè
登上王位
ting-siōng ông-uī
開閩王文化
Khai-bân-ông bûn-huà
對遮開始
uì tsia khai-sí
聖祖孔昭佑
Sìng-tsóo Khóng Tsiau-iū
追隨王審知
tui-suî Ông Sím-ti
管理同安政務駐亨泥
kuán-lí Tâng-uann tsìng-bū tsū Hang-nî
為官清廉有口皆碑
uî-kuann tshing-liâm iú kháu kai pi
庇佑百姓將恩澤廣施
pì-iū peh-sìnn tsiong un-ti̍k kóng-si
赤面丹心扶聖主
tshiah-bīn tan-sim hû sìng-tsú
閩王派守攏無躊躇
Bân-ông phài-siú lóng bô tiû-tû
保境安民盡人事
pó-kíng an-bîn tsīn jîn-sū
神助官兵將倭奴除
sîn tsōo kuann-ping tsiong O-lôo tû
是非分明懲奸除惡
sī-hui hun-bîng tîng-kan tû-ok
君臣兩人名留青史
kun-sîn nn̄g-lâng miâ lâu tshing-sú
廣利宮廟至今有兩處
Kóng-lī-kiong-biō tsì-kim ū lióng tshù
傳頌著開閩第一的故事
thuân-siōng tio̍h khai Bân tē-it ê kòo-sū
